शरीरामध्ये असणाऱ्या मुख्य सात ऊर्जाकेंद्रांना सप्तचक्र म्हणतात. शरीराच्या गरजेप्रमाणे वातावरणातील निसर्गशक्ती आभामंडलात आकर्षली जाते. चक्रांच्या क्षमतेप्रमाणे ग्रहण केली जाते.

आवश्यक निसर्गशक्ती किंवा पंचप्राण प्रत्येक पेशीस पुरविण्यासाठी शरीराभोवती सूक्ष्म देहाचे आवरण असते. ज्यातील असंख्य नाड्या (ऊर्जावहन करणाऱ्या वाहिन्या) निसर्गातील या पंचप्राणांचे सतत वहन करीत असतात. असंख्य नाड्यांमधून येणारी पंचतत्त्वांची ऊर्जा केंद्रावर संकलित होते. या केंद्रांना ‘चक्र’ म्हणून संबोधित केले जाते. आलेल्या ऊर्जेवर प्रक्रिया करून, विशिष्ट चक्राद्वारे विशिष्ट तत्त्व संपूर्ण शरीरास पुरविले जाते.