विशुद्ध चक्र कंठस्थानी असते. याचा रंग निळा आहे. हे चक्र आकाशतत्त्वाचे कारक आहे. आकारमान हा याचा सूक्ष्म गुणधर्म असून, शब्द हा याचा मूळ गुण आहे. आपल्या शरीरातील काम, क्रोध, लोभ, मोह व भय हे आकाश तत्त्वाच्या अधीन आहेत. घशातील सप्तपथ, श्वासनलिका, थायरॉईड व थायमस ग्रंथी यांवर नियंत्रण ठेवणे हे याचे प्रमुख कार्य आहे. विशुद्ध चक्र हे उच्च निर्मितीचे केंद्र आहे. अध्ययन, नियोजन, कलात्मकता हे याचे गुण आहेत. ज्याचे विशुद्ध चक्र सक्षम असते, ती व्यक्ती कलाकार, यशस्वी राजकारणी, व्यावसायिक, उद्योजक होऊ शकते.